المشاركات
السلام عليكم
المقادير
٥ معالق دقيق كبيرة
١معلقة نشا كبيرة
٥ قطع جبنة مثلثات
٤ بيضات
ربع كوب ماء
٥معالق زيت كبار
لون غذائي احمر
*( معلقة شاى صغيرة ) كل اللى جاى دا
ملعقة ونصف ملح
ملعقة كسبرة ناشفة
ملعقة حبهان مطحون
ملعقة بصل بودر
ملعقة ثوم بودر
ملعقة فلفل أسود
ملعقة بابريكا
٢ فص ثوم مفروم
الطريقة بقى
كل المكونات دى تضرب فى الخلاط
وتحطى من ٦:٧ نقط لون احمر غذائي انا العطار مكنش عنده غير بودر حطيت طرف المعلقة لون احمر فى الخلاط
بعد متضربيهم فى الخلاط حابة تحطى فلفل أسود حصى او زيتون او لحم مفرومة تبقى ملعقتين بس او قطع فراخ مضروبة فى الكابة تمام حسب ما انتى عايزاه بطعم ايه
بصراحه انا علشان اول مرة بجرب يعنى عملته سادة
كل الخطوات اللى عدت دى سهله جدا
المهم اللى جاى عاوز تركيز
تكونى مجهزه على النار حلة مياة وبتغلى
تصبى الخليط فى كيس من بتوع الثلاجه ( زى بتوع اللبن ) وتربطيه كويس اوى وتلفيه بستريتش علشان تضمنى ان مفيش ميه هتوصله
بصراحه انا عملت من غير استرتش لانى تقريبا خلصت نصف الرول وبردا معرفتش اعمله استودعته الله عز وجل
وتلفيه فى ورق فويل كويس تطلعي الهوا منه وتقفليه من الأطراف زى البونبونى وكمان مرة ورق فويل وتقفليه زى البونبونى وتنزليه فى الماء وهو بيغلى وتغطيه ويترك على النار ساعه ونصف وفى منتصف المده تقلبيه
كان عندى مشوار مهم سبته ساعه بس وطلع تحفه
تطلعيه من الحله على صينيه وتسيبيه يبرد وعلى الثلاجه وتانى يوم تقطعيه براحتك
0 التعليقات:
إرسال تعليق